أصعب صباح في حياتي ............

هدا أصعب صباح في حياتي لما رن تليفوني وشفت الرقم غريب ما رديتش عليه ,,, وقعد يرن يرن ,, وأخيرا رديت واحد كلمني انت تعرف شخص اسمه (.......................) قتله ايه صاحبي ( وكان أكثر من أخ بالنسبة ليا ) شن فيه قال الشخص هدا مداير حادث في طريق 11 يونيو وما فيش واحد سعفه نضت من السرير وبسرعة خديت مفتاح السيارة وطلعت ولعتها ولطريق 11 يونيو طول لقيت سيارة صاحبي مقلوبة وكيف طفو النار اللي ولعت فيها او ولد حلال سعف صاحبي للحوادت بوسليم ,, ومعرفتش نتصل باهله ولا شن اندير وهو أكبر واحد في العيلة ؟
مشيت للمستشفى وهو كيف خش للعمليات وما قدرتش نشوفه لانه كان وجهه دم ومحروق وبعدين اتصلت بخاله و جاني للمستشفى ووقع على ورقة انه مسئول عالعملية اللي بيديروهاله وانا معش طاقني صبر في المستشفى طلعت برا وقعدت نستنى خاله برا وبعد نص ساعة طلع خاله يبكي وينوح ( استغربت كان شاد روحه قبل شوية ) جيته شن فيه قالي (................) توفى جرعة غلطوا فيها جاته زايدة اللــــــــــــــــــــــــــــــــــــــــــــــه كيف صار هدا يا ربـــــــــــــــــــــــي وفي نفس الوقت يبونا نستلموا الجتة كيف صار هدا في اي قانون مستشفى هدا ,, انا قعدت جتة تتحرك بلا عقل ولا شي ( بعدين قالي خاله الجنازة العصر ) اكرام الميت التعجيل بدفنه وانا لا تعليق ساكت وخلاص وجي وقت الدفينة وانا تمنيت ولو مت معه لانه كان نصفي الاخر و أكثر وقعدت نقول انشاءالله ربي يرحمــه لن تمت الدفينة وما هو شعوري وانا نشوف خوته الصغار يبكوا (خونا مات وبونا ميت من قعدلنا يا ربي) أه ه ه من هده الدنيا الغدارة ما نخفيش عليكم واستغفر الله الف مرة قبلها فكرت قررت ( الانتحار الحل الوحيد مش نتلاقوا تاني) وخلاص كلمت اهلي قلتلهم انا مسافر بنريح أعصابي وما أعترض حد لانهم يعرفون من فقدت المهم مشيت لعمارات حي الاكواخ وبالتحديد عمارة 12 وقلت انقز من فوق العمارة وبعد ما وصلت لسطح شفت للاسفل وقويت قلبي ونقزت من الدور 12 وأنا انادي اسم صاحبي المتوفي وطحت لوطا للارض
وفتحت عيوني أه يا والله كابوس فضيع .............. الى لقاء أخر



أخوكم سالم ألزير

شكراً علي الموضوع والرويه الحلوه في انتضار مزيدك في هد القسام والاقسام الاخره

ههه كابوس رعب كيف عرفت انه حلم

مشكور اخى الكريم بارك الله فيك مرات حق